scheduleमगलवार श्रावण २९ गते, २०७५

जसले पाँच वर्षमै पहिलो सन्तान जन्माईन….

एजेन्सी, २ जेठ । पेरुकी लीना मदीना नाम गरेकी एक बालिकाले पाँच वर्षको उमेरमा एउटा बच्चालाई जन्म दिएर विश्वकै पहिलो कम उमेरको आमा बनेकी थिइन् । यो चिकित्सा जगतको हालसम्म एउटै मात्र यस्तो घटना हो । विज्ञानले यति कम उमेरमा कोही पनि आमा बन्न नसक्ने बताइरहँदा लीनाको मामिलामा यो कसरी सम्भव भयो भन्ने आजसम्म खुलासा भएको छैन ।

लीनाको जन्म पेरुको तिक्राफोमा २७ सेप्टेम्बर १९३३ मा भएको थियो । लीना पाँच वर्षकी थिइन् जब उनको पेटको आकार अचानक बढेको थियो । उनको आमाबुवाले त्यो ट्युमरको आशंकामा जब परिक्षण गराए तब उनको पेटमा बच्चा हुर्किरहेको चिकित्सकहरुले बताए ।

कम उमेरमा गर्भधान गर्नु उनको जीवनको लागि खतरा थियो । त्यसैले चिकित्सकहरुले उनलाई लगभग एक महिनासम्मको लागि अस्पतालमा राखिएको थियो । लीनाले १४ मे १९३९ मा अपेशेनरद्वारा एउटा छोरालाई जन्म दिइन् । त्यस समयसम्म लीनाबारे पेरु लगायत पुरै विश्वको मिडियाहरुमा खबर प्रकाशित भैसकेको थियो । मिडियाको खबर अनुसार लीनालाई तीन वर्षको उमेरमा नै महिनावारी भएको थियो । डेलिबिरीको समयमा चिकित्सकहरुले लीनाको प्रजनन अंग पूर्णरुपमा बिकास भैसकेको पाएका थिए । जन्मको समय बच्चाको तौल २.७ किलो थियो सर्जरी गर्ने चिकित्सले बालकको नाम जेरादरे राखेका थिए । जेरादरेलाई लीनाको भाईको पहिचान दिइयो । सन् १९७० मा लीनाको विवाह राउल जुरादो नामका युवकसँग भयो र उनी साल १९७२ मा दोस्रो पटक आमा बनिन् । तर १९७९ मा उनको पहिलो छोरा जेरादरेको ४० वर्षको उमेरमा एउटा रोगको कारणले मृत्यु भयो ।

लीनाको यो सबै कहानी सुनेपछि उठ्ने एउटा जिज्ञासा भनेको उनी कसरी आमा बनेकी थिइन् । लीनालाई पनि यसबारे केही  थाहा छैन । यसै दौरान प्रहरीले पहिले उनको बुबामाथि शंका गरे तर बुबाको विरुद्ध प्रहरीले कुनै पनि प्रमाण अदालतमा पेश गर्न सकेनन् । पेरुको मिडियाले लीना बलात्कृत भएको हुनसक्ने लेखेको थियो ।

वास्तवमा लीना जुन गाउँमा बस्थिन् त्यस नजिकको क्षेत्रमा प्रत्येक वर्ष एकप्रकारको चाड मनाइन्थ्यो । त्यस चाडमा सामूहिक रुपमा युवा युवतीबीच शारीरिक सम्बन्ध राखिन्छ । यस्तो समय कतिपय युवतीहरु बलात्कारको शिकार पनि हुन्छन् । यस घटनालाई लएर विश्वभरका धेरै मिडियाहरुले उनको अन्तरवार्ता लिन खोज्यो तर उनले दिन अस्वीकार गरिन् ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

NTC
Vianet
Sajhajob